Bu yay Gürcüstanın Batumi şəhəri şahmat aləminin diqqət mərkəzində olacaq. İyulun 6-dan etibarən burada qadınlar arasında Dünya kuboku start götürəcək. Bir ay davam edəcək yarışda dünyanın ən güclü 107 şahmatçısı yalnız titul uğrunda deyil, həm də İddiaçılar Turnirinə vəsiqə qazanmaq üçün mübarizə aparacaq. İlk üç yerin sahibləri bu hüququ əldə edəcəklər.
Sport-az.com xəbər verir ki, ənənəyə uyğun olaraq turnir nokat (olimpiya) sistemi üzrə keçiriləcək – hər mərhələ itirilən oyunun turnirdəki son oyun olması deməkdir.
Yarış haqqında əsas məlumatlar:
- Format: Nokat sistemi
- İştirakçı sayı: 107
- Birinci mərhələdən başlayaq: 86 şahmatçı
- Birbaşa ikinci mərhələyə keçəcək: 21 reytinqli iştirakçı
- Hər mərhələnin müddəti: 3 gün
- 2 klassik oyun (rənglər dəyişməklə)
- Heç-heçə olarsa – tay-breyk
Azərbaycanı təmsil edən şahmatçılar:
Yarışda Azərbaycanın 4 təmsilçisi çıxış edəcək:
- Gövhər Beydullayeva – Anahita Zahedifar (İran) ilə
- Ülviyyə Fətəliyeva – Jiling Jang (Avstraliya) ilə
- Xanım Balacayeva – Elnaz Kaliaxmet (Qazaxıstan) ilə
- Gülnar Məmmədova – Yunşan Li (Çin) ilə qarşılaşacaq
Turnirin əhəmiyyəti
- Çempiona veriləcək mükafat: 50.000 ABŞ dolları
- Ümumi mükafat fondu: 691.250 ABŞ dolları
- Əsas hədəf: ilk üçlükdə yer almaq və İddiaçılar Turnirinə vəsiqə qazanmaq
- Bunun üçün iştirakçılar ən azı yarımfinala qədər irəliləməlidirlər
Harada keçiriləcək?
Bütün oyunlar “Grand Bellagio Convention & Casino Hotel”-də baş tutacaq. Hazırda həmin məkanda 8–12 yaşlı uşaqlar arasında Dünya Kuboku yarışları da davam edir. Bu turnirdə 40 ölkədən 300-dən çox uşaq iştirak edir.
