“Liverpul”un sağ cinah müdafiəçisi Trent Aleksander-Arnold, gələcək karyerası ilə bağlı fikirlərini bölüşüb.
Sport-az.com-ın məlumatına görə, “The Athletic”ə açıqlama verən 25 yaşlı futbolçu, “Real Madrid”ə keçə biləcəyi ilə bağlı yayılan xəbərlərə toxunaraq, bunları deyib:
“Belə deyim, bu mövsüm “Liverpul”un oyunçusu olaraq qalmaq istəyirəm…
Artıq 20 ildir ki, bu klubun bir hissəsiyəm. Dörd və ya beş dəfə müqavilə yeniləmişəm və bu barədə əvvəlcədən ictimaiyyətə məlumat verilməyib. Eyni qayda ilə yenə də belə olacaq.
Həmişə arzulamışam ki, bir gün bu klubun kapitanı olam. Bu mənim əsas hədəfimdir. Ancaq bu hədəfə çatıb-çatmayacağım mənim öz əlimdədir. Ən vacib olan isə mükafatlardır. Mən qələbələr qazanmağa fokuslanmışam və bu barədə düşünürəm.”
Xatırladaq ki, Aleksander-Arnoldun “Real Madrid”ə transferi ilə bağlı xəbərlər mətbuatda yayılıb.
