Türkiyə kubokunun 1/4 final mərhələsinə yekun vurulub. Bu mərhələnin ən böyük sürprizi İstanbul nəhəngi “Beşiktaş”ın yarışdan kənar qalması olub.
sport-az.com-ın məlumatına görə, “Beşiktaş” öz meydanında “Göztəpə”ni qəbul edib və 1:3 hesablı məğlubiyyətlə turnirdə mübarizəni dayandırıb. Bu nəticə ilə “Göztəpə” 49 illik fasilədən sonra ilk dəfə Türkiyə kubokunun yarımfinalına yüksəlib.
3 aprel – 1/4 final:
- “Beşiktaş” – “Göztəpə” – 1:3
Qollar: E. Muçi (30) – R. Kardoso (38, 79-penalti, 81)
Qırmızı vərəqə: T. Sanuç (36, “Beşiktaş”)
Əvvəlki 1/4 final qarşılaşmalarının nəticələri:
2 aprel:
- “Trabzonspor” – “Bodrumspor” – 3:2
- “Fənərbaxça” – “Qalatasaray” – 1:2
1 aprel:
- “Konyaspor” – “İsgəndərunspor” – 3:0
Yarımfinal cütlükləri belə formalaşıb:
- “Trabzonspor” – “Göztəpə”
- “Konyaspor” – “Qalatasaray”
Yarımfinal mərhələsinin qarşılaşmaları 22 aprel 2025-ci il tarixində keçiriləcək.
