Fransanın Paris Sen-Jermen klubunun italiyalı qapıçısı Canluici Donnarumma sosial şəbəkələrində azarkeşlərinə müraciət edərək klubdan ayrıldığını bildirdi. Bu açıqlama onun komandadan gedişi ilə bağlı şayiələr fonunda verilib.
“Əziz Paris azarkeşləri. İlk gündən meydanda və kənarda özümü tam şəkildə verdim ki, yerimi qazanım və Paris Sen-Jermen qapısını qoruyum. Təəssüf ki, kimsə artıq komandanın bir hissəsi olub uğura töhfə verə bilməyəcəyimə qərar verdi. Məyus və ruhdan düşmüşəm.
Ümid edirəm ki, ‘Park de Prens’də azarkeşlərimin gözlərinə baxaraq vidalaşa bilərəm. Əgər bu baş verməsə, bilin ki, dəstəyiniz və sevginiz mənim üçün hər şey deməkdir və bunu heç vaxt unutmayacağam. Həmişə yaşadığımız hissləri, sehrli gecələri və sizləri xatırlayacağam. Komanda yoldaşlarıma – ikinci ailəmə – hər döyüş, hər gülüş və hər birgə an üçün təşəkkür edirəm. Siz həmişə mənim qardaşlarım olacaqsınız. Bu klubda oynamaq və bu şəhərdə yaşamaq böyük şərəf idi. Təşəkkürlər, Paris!”
Əvvəllər mediada yer alan xəbərlərə görə, Donnarumma Mançester Sitiyə transfer ola bilər.
