“Səbail” klubunun sabiq baş məşqçisi Cavid Hüseynov mövsümün sonunadək məşqçilik fəaliyyətində fasilə verib. Mütəxəssis “Səbail”dəki vəzifəsindən ayrıldıqdan sonra gələcək planlarını yenidən nəzərdən keçirməyə qərar verib.
Sport-Az xəbər verir ki, yay transfer dövründə Cavid Hüseynov istədiyi təklifləri almasa, o zaman onun yenidən “Cəbrayıl” klubuna qayıtması mümkündür. Mümkündür ki, təcrübəli mütəxəssis bu komandanı bir daha çalışdırsın. Qeyd edək ki, Cavid Hüseynov eyni zamanda “Cəbrayıl” klubunun təsisçilərindən biridir və bu klubla yaxın əlaqələri hələ də davam edir.
