“Səbail” klubunun yeni baş məşqçisi Cavid Hüseynovun məşqçi korpusuna daxil olan köməkçilərin adı müəyyən edilib. Sport-az xəbər verir ki, Elvin Məmmədov, Vüqar Bəybalayev və qapıçılarla işləyəcək məşqçi Fuad Əsədov Hüseynovun köməkçiləri olacaq.
Bundan əlavə, yaxın günlərdə fiziki hazırlıq üzrə məşqçi və digər köməkçi barədə qərar veriləcək.
Qeyd edək ki, “Səbail” klubu bu gün Cavid Hüseynovla 2025/2026-cı il mövsümünün sonuna qədər müqavilə imzalayıb. O, bu vəzifədə istefa vermiş Şahin Diniyevi əvəzləyir.
