Bu gün qadın voleybolçular arasında təşkil olunan Azərbaycan Yüksək Liqasının III turu çərçivəsində “DH Volley” komandası “Murov Az Terminal”la qarşılaşıb. Ölkənin əsas idman arenası sayılan Azərbaycan Voleybol Federasiyasının idman zalında keçirilən oyunda “DH Volley” rəqibini 3:0 hesabı ilə üstələyərək əzmkarlığını nümayiş etdirib.
Matç boyunca üstün oyunla seçilən “DH Volley” komandası rəqibinə set uduzmayaraq, qarşılaşmada tam üstünlük əldə edib. Bu qələbə ilə komanda turnirdə mövqeyini möhkəmləndirib.
Qeyd edək ki, Azərbaycan Yüksək Liqasının III turu noyabrın 21-də sona çatacaq. Turun əvvəlki oyununda UNEC komandası isə “Azərreyl”lə üz-üzə gələrək 3:0 hesablı qələbə qazanıb.
