Əfsanəvi boksçu Mayk Tayson ilə məşhur bloger Ceyk Poll arasındakı döyüş 2024-cü ilin döyüş idmanları tarixində ən populyar hadisəsi kimi qeydə alınıb.
Milyonlarla izləyici
“Sport-az.com”un məlumatına görə, “Netflix” bu döyüşün 108 milyondan çox izləyici topladığını açıqlayıb. ABŞ-də isə bu rəqəm xüsusi olaraq diqqət çəkib – eyni vaxtda döyüşü 38 milyon nəfər izləyib.
“Tvision” analitik şirkətinin verdiyi məlumata əsasən, ABŞ-də həmin gün televiziyaya baxanların 56%-i məhz bu görüşü izləyib. Bu, döyüş idmanlarının kütləvi populyarlığının göstəricisidir.
Döyüşün nəticəsi
Qarşılaşma 8 raund davam edib və nəticədə Ceyk Poll Mayk Tayson üzərində qələbə qazanıb. Sona qədər gərgin keçən mübarizə Pollun 79:73 hesablı üstünlüyü ilə yekunlaşıb.
