Mourinyo slovak müdafiəçini komandada saxlamaq istəyir – qərar yaxın günlərdə veriləcək
Türkiyənin nəhəng klubu “Fənərbağça” Slovakiya yığmasının təcrübəli müdafiəçisi Milan Şkrinyarın transfer hüquqlarını almaq üçün PSJ ilə danışıqlara başlayıb. Bu barədə məlumatı Sport-az.com türk mətbuatına istinadən yayıb.
Məlumata görə, “Fənərbağça”nın yeni baş məşqçisi Joze Mourinyo Şkrinyarın komandada qalmasında israrlıdır. Portuqaliyalı çalışdırıcı onu müdafiə xəttinin əsas dayaqlarından biri kimi görür və gələcək taktiki planlarında bu oyunçuya güvənir.
Klublar arasında ilkin əlaqələr qurulub və artıq rəsmi danışıqlara start verilib. Hər iki tərəf yaxın günlərdə futbolçunun gələcəyi ilə bağlı qəti qərar verməyə hazırlaşır.
Şkrinyarın “Fənərbağça”dakı qısa tarixi
29 yaşlı Milan Şkrinyar bu ilin yanvar ayında “Fənərbağça”ya icarə əsasında qoşulub. Təcrübəli mərkəz müdafiəçisi qısa müddətdə komandaya uyğunlaşaraq əsas heyətdə yerini möhkəmlədib və azarkeşlərin rəğbətini qazanıb.
Qeyd edək ki, PSJ klubunun rəsmi tərəfdaşları sırasında 1xBet də yer alır. Fransa təmsilçisi transfer siyasətində və kommersiya sahəsində bu tərəfdaşlıq çərçivəsində bir sıra beynəlxalq razılaşmalara malikdir.
