Bilet qiymətləri 473 dollardan 14 dollara düşdü
FIFA-nın 2025 Klub Dünya Çempionatının yarımfinal mərhələsi öncəsi ciddi çətinliklərlə üzləşdiyi bildirilir. Media məlumatlarına görə, son üç gün ərzində təşkilatçılar bilet qiymətlərini kəskin şəkildə endirmək məcburiyyətində qalıblar.
Əgər cümə günü PSJ – Real Madrid və Fluminense – Çelsi kimi yüksək səviyyəli qarşılaşmalara bilet 473 ABŞ dolları idisə, artıq bazar günü bu rəqəm cəmi 14 dollar təşkil edirdi.
FIFA bu çempionatı imic baxımından olduqca önəmli hesab edir və boş tribunaların yaratdığı mənfi təsiri minimuma endirməyə çalışır. Təşkilat, stadionların dolması üçün mümkün olan bütün vasitələrdən istifadə edir – o cümlədən:
- Böyük endirim kampaniyaları
- Könüllülərə pulsuz bilet təklifləri
- Gələnlərin stadionda iştirakına zəmanət tələb edən sistem
“Bilet hamburgdən ucuzdur” paradoksu
Xüsusilə maraqlı məqam: bəzi matçlara bilet qiyməti arena daxilindəki pivə və hamburgerdən belə ucuzdur. Bu fakt sosial mediada ciddi müzakirələrə səbəb olub.
Niyə belə oldu?
Turnirin əvvəlindən etibarən azarkeş marağının zəifliyi diqqət çəkirdi. Turnirin qlobal əhəmiyyətinə və böyük komandaların iştirakına baxmayaraq, tribunaların dolmaması təşkilatçılarda narahatlıq yaradıb.
Hazırda FIFA yarımfinal oyunlarını xilas etməyə çalışır, lakin bu, artıq təşkilatın nüfuzu üçün ciddi siqnaldır.
