Tarixdə dördüncü dəfə olaraq Avropanın və Cənubi Amerikanın ən güclü milli komandaları arasında nümayiş oyunundan ibarət Finalissima turniri keçiriləcək. Ötən üç yarışdan ikisini Argentina qazanıb.
İyulun 14-də Almaniyada baş tutan Avropa Çempionatı-2024-də İspaniya komandası İngiltərəyə 2:1 hesabı ilə qalib gələrək çempion titulunu əldə etdi. Həmin gün həmçinin Cənubi Amerikanın kuboku sayılan Copa América-2024-ün qalibi müəyyənləndi. Argentina kollektivinin minimal hesablı qələbəsi Kolumbiyaya qarşı əlavə vaxtda təmin olundu.
Beləliklə, Finalissima-2025-in iştirakçıları İspaniya və Argentina komandaları olacaq. Növbəti il iyun ayında ABŞ-da keçiriləcək bu prestijli görüşün yeri və tarixi yaxın zamanda açıqlanacaq.
Xatırladaq ki, belə mini-turnirlər əvvəllər Artemio Françi Kuboku adı ilə 1985 və 1993-cü illərdə təşkil edilmişdi; mükafatların qalibləri müvafiq olaraq Fransa və Argentina olmuşdu. Turnirin 2022-ci ildə Finalissima adı altında bərpası ilə Argentina Londondakı qarşılaşmada İtaliyaya 3:0 hesabı ilə qalib gəldi və bu dəfə də “albiseleste” növbəti qələbəsini hədəfləyir.
