45 yaşlı “Formula 1” dünya çempionu Censon Batton gələcək karyerasında yeni mərhələyə adlamağa hazırlaşır. Yarışın rəsmi saytına istinadən xəbər verilir ki, pilot Bəhreyndə keçiriləcək 8 saatlıq yarış onun peşəkar idman həyatının sonuncu mübarizəsi olacaq.
C.Batton eyni zamanda vurğulayıb ki, növbəti mövsümdən Dünya Davamlılıq Çempionatında (WEC) iştirak etməyəcək. İngiltərəli sürücü 2000-ci ildə “Uilyams” komandasında “Formula 1″ə start verib və 2009-cu ildə “Braun GP” ilə qızıl medala sahib olub. 2016-cı ildə “Formula 1″dən ayrılan Batton o zamandan bəri müxtəlif digər yarışlarda iştirak edib.
O, son yarışının özünə və idmansevərlərə dəyərli xatirə olacağını ifadə edib və rəqiblərinə və azarkeşlərinə təşəkkürünü bildirib.
