2025-ci il Formula 1 mövsümünün ikinci mərhələsi — Çin Qran-Prisi dramatik şəkildə başa çatdı. Yarışın ardından yarış komissarları üç sürücünü, o cümlədən yeddiqat dünya çempionu Lyuis Həmiltonu yarışdan diskvalifikasiya etdilər.
Diskvalifikasiya səbəbi nə idi?
Daylinews-az.com-un Sport-Az-a istinadən verdiyi məlumata görə, Həmilton, Şarl Lekler (“Ferrari”) və Pyer Qasli (“Alpine”) bolidlərinin alt planqasında ciddi texniki pozuntu aşkarlanıb. Sürüş zamanı bu planqaların ölçüləri minimum tələbləri qarşılamayıb, bu da qaydaların pozulması kimi qiymətləndirilib. Nəticədə hər üç pilotun nəticələri ləğv olunub.
Yarışdan sonra dəyişdirilmiş yekun nəticələr belədir:
Çin Qran-Prisi 2025 – Son nəticələr
- Oskar Piastri (“McLaren”) — 56 dövrə
- Lando Norris (“McLaren”) +9.748
- Corc Rassel (“Mercedes”) +11.097
- Maks Ferstappen (“Red Bull”) +16.656
- Esteban Okon (“Haas”) +49.969
- Andrea Kimi Antonelli (“Mercedes”) +53.748
- Aleksandr Albon (“Williams”) +56.321
- Oliver Berman (“Haas”) +1:01.303
- Lans Stroll (“Aston Martin”) +1:10.204
- Karlos Sayns (“Williams”) +1:16.387
- İsak Hacarı (“Racing Bulls”) +1:18.875
- Cek Duan (“Alpine”) +1:28.401
- Liam Lauson (“Red Bull”) +1:21.147
- Qabriel Bortoletto (“Kick-Sauber”) +1 dövrə
- Niko Hülkenberq (“Kick-Sauber”) +1 dövrə
- Yuki Tsunoda (“Racing Bulls”) +1 dövrə
- Fernando Alonso (“Aston Martin”) — yarışı bitirə bilməyib
- Şarl Lekler (“Ferrari”) — diskvalifikasiya
- Lyuis Həmilton (“Ferrari”) — diskvalifikasiya
- Pyer Qasli (“Alpine”) — diskvalifikasiya
Bu qərarla birlikdə “Ferrari” komandası üçün Çin mərhələsi tam fiaskoya çevrildi. Xatırladaq ki, Həmilton sprint təsnifat mərhələsində birinci yeri tutmuşdu.
