Fransa milli komandası 2026-cı ilin dünya çempionatının seçmə mərhələsində Azərbaycan və İslandiya ilə keçirəcəyi oyunların heyətini oktyabrın 2-də açıqlayacaq. Xəbər verir ki, bu məqsədlə həmin gün Fransa Futbol Federasiyasının qərargahında mətbuat konfransı təşkil olunacaq.
Konfransda baş məşqçi Didye Deşam media nümayəndələrinin qarşısına çıxaraq qarşıdakı matçlar üçün seçilmiş oyunçuların siyahısını təqdim edəcək. Fransa yığması əvvəlcə oktyabrın 10-da Parisdə Azərbaycanı qəbul edəcək, ardınca üç gün sonra Reykyavikdə İslandiyanın qonağı olacaq.
Bu açıqlama matçlar öncəsi futbolsevərlərin diqqətini çəkir və komandanın hazırkı forması haqqında ipucları verəcək.
