Azərbaycanın kişi voleybol millisi Gümüş Avropa Liqasında bu gün növbəti qarşılaşmasını keçirəcək.
Fanat.Az-ın məlumatına görə, baş məşqçi Fərid Cəlalovun rəhbərlik etdiyi kollektiv Farer adaları yığması ilə üz-üzə gələcək. Qarşılaşma Bakı vaxtı ilə saat 22:00-da başlayacaq.
Azərbaycan millisi turnirdə indiyədək dörd oyun keçirib. Bu qarşılaşmalarda:
- İsveç yığmasına 0:3 hesabı ilə uduzub
- Lüksemburqla görüşdə 0:3 hesabı ilə məğlub olub
- Macarıstana qarşı 1:3 hesabı ilə məğlubiyyət alıb
- Gürcüstan millisini isə 3:0 hesabı ilə məğlub edib
Gümüş Avropa Liqasının III turu hazırda Farer adalarında keçirilir. Millimiz sabah Avstriya ilə növbəti görüşünü keçirəcək.
