İtaliyanın D Seriyasında baş hakim kimi fəaliyyət göstərən Qabriel Kadjari ciddi etik pozuntuya görə iki il müddətinə futbol fəaliyyətindən uzaqlaşdırılıb. Sport-az.com xəbər verir ki, bu barədə Gazzetta dello Sport nəşri məlumat yayıb.
Hadisə nə zaman baş verib?
İnsident 2024-cü ilin noyabrında “Milano” ilə “Pro Sesto” komandaları arasında keçirilən matç zamanı yaşanıb.
“Pro Sesto”nun yarımmüdafiəçisi Alessandro Sala qarşılaşma zamanı hakimdən təhqiredici ifadələr eşitdiyini bildirib və bu səbəbdən əvəzlənməsini istəyib. Futbolçunun sözlərinə görə, hakim ona “get, xərçəng ol” deyib.
Klub və federasiya dərhal reaksiya verib
“Pro Sesto” futbolçusuna qarşı deyilən sözləri dərhal qınayıb. Hadisədən sonra İtaliya Futbol Federasiyasının prokurorluğu məsələni araşdırmağa başlayıb və nəticə olaraq Kadjariyə 2 illik diskvalifikasiya cəzası verilib.
Bu qərar, İtaliya futbolunda hakim-oyunçu münasibətlərində etik sərhədlərin pozulmasına qarşı ciddi siqnal kimi qiymətləndirilir.
