Azərbaycan I Liqasında XV turun oyunlarına start verilir. Tur çərçivəsində bu gün iki qarşılaşma baş tutacaq. Günün ilk matçında “Cəbrayıl” Şamaxıda “Baku Sportinq”i qəbul edəcək.
Digər görüşdə isə MOİK Binə qəsəbəsində “Səbail”lə üz-üzə gələcək. Hər iki qarşılaşma saat 14:30-da başlayacaq. Qeyd edək ki, turun qalan oyunları sabah keçiriləcək. “Şəfa” – “Mingəçevir”, “Zaqatala” – “Difai” və “Şimal” – “Şahdağ Qusar” cütləri növbəti oyun günündə münasibətlərinə aydınlıq gətirəcəklər.
- Azərbaycan I Liqası, XV tur 18 fevral:
- 14:30 – “Cəbrayıl” – “Baku Sportinq”
Hakimlər: Ruslan Quliyev, Qəzənfər Məmmədov, Taleh Məmmədov, Namiq Bəkirov.
Hakim-inspektor: Anar Salmanov.
AFFA nümayəndəsi: Novruz Əzimov.
Məkan: Şamaxı, Olimpiya İdman Kompleksinin stadionu. - 14:30 – MOİK – “Səbail”
Hakimlər: Alik Yunusov, Sənan Atayev, Asif Abdullayev, Şamil İmanzadə.
Hakim-inspektor: Ceyhun Haşımov.
AFFA nümayəndəsi: Törə Əhmədova.
Məkan: Binə, Qəsəbə stadionu.
