2025-ci il yeni Olimpiya dövrünün başlanğıcı kimi idman üçün mühüm əhəmiyyət kəsb edir. İdman təqvimində Azərbaycan azarkeşlərini maraqlandıran ən mühüm hadisələr aşağıdakılardır.
Güləş
2025-ci ildə müxtəlif yaş qrupları üzrə dünya və Avropa çempionatları, eləcə də 4 reytinq turniri keçiriləcək.
- İlk reytinq turniri 5-9 fevral tarixlərində Xorvatiyanın Zaqreb şəhərində baş tutacaq.
- U-23 Avropa Çempionatı 8-14 mart tarixlərində Albaniyanın Tiran şəhərində keçiriləcək.
- Böyüklər arasında Avropa Çempionatı 7-13 aprel tarixlərində Slovakiyanın Bratislava şəhərində olacaq.
- U-17 Dünya Çempionatı 28 iyul – 3 avqust tarixlərində Yunanıstanın Afinada keçiriləcək.
- İlin əsas hadisəsi – böyüklər arasında Dünya Çempionatı isə 13-21 sentyabr tarixlərində baş tutacaq.
Cüdo
Cüdo təqvimi də zəngin tədbirlərlə doludur:
- İlin ilk “Böyük Dəbilqə” turniri 1-2 fevral tarixlərində Fransanın Paris şəhərində keçiriləcək.
- Bakı isə 14-16 fevral tarixlərində növbəti “Böyük Dəbilqə” turnirinə ev sahibliyi edəcək.
- Avropa Çempionatı 23-27 aprel tarixlərində Çernoqoriyanın Podqoritsa şəhərində keçiriləcək.
- Dünya Çempionatı isə 13-20 iyun tarixlərində Macarıstanın Budapeşt şəhərində olacaq.
Boks
Boksda ilin əsas hadisəsi böyüklər arasında Dünya Çempionatı ola bilər. Lakin bu yarışın keçirilməsi hələ də sual altındadır. Boksun Olimpiya proqramında qalıb-qalmayacağı ilə bağlı qeyri-müəyyənliklər var.
Şahmat
2025-ci il Azərbaycan şahmatçıları üçün də əlamətdar olacaq:
- Azərbaycan çempionatı 31 yanvar – 15 fevral tarixlərində keçiriləcək.
- Avropa Çempionatı oktyabr ayında Gürcüstanın Batumi şəhərində baş tutacaq.
- İlin əsas hadisəsi – Dünya Kuboku, lakin yarışın dəqiq tarixi hələ açıqlanmayıb.
Taekvondo
Taekvondo üzrə Dünya Çempionatı hər iki ildən bir keçirilir.
- Bu il çempionat 24-30 oktyabr tarixlərində Çinin Usi şəhərində baş tutacaq.
- Gənclər arasında Dünya Çempionatı isə 10-14 may tarixlərində BƏƏ-nin Füceyra şəhərində keçiriləcək.
Voleybol
Azərbaycanın voleybol komandaları Avropa Liqasında mübarizə aparacaq:
- Qadın komandamız Qızıl Avropa Liqasında, kişi komandamız isə Gümüş Avropa Liqasında çıxış edəcək. Hər iki yarış 30 may – 6 iyul tarixlərində keçiriləcək.
Formula-1 və Digər Əhəmiyyətli Yarışlar
- Baki 19-21 sentyabr tarixlərində ənənəvi Formula-1 Qran-Prisinə ev sahibliyi edəcək.
- MDB Oyunları Azərbaycanın 14 şəhərində keçiriləcək və əsas tədbirlər Gəncədə baş tutacaq. Oyunların dəqiq tarixi hələ bəlli deyil.
