Azərbaycan II Liqasında XVII turun oyunları tamamlanıb və turun son günü həm nəticələr, həm də vurulan qollar baxımından xüsusi diqqət çəkib. Üç qarşılaşmanın keçirildiyi gündə “Qaradağ Lökbatan”ın qələbəsi turnir cədvəlində ciddi dəyişiklik yaradıb, “Göygöl”ün isə möhtəşəm hücum performansı gündəmə düşüb.
Göygöldə tarixi nəticə, Ağdaşda liderlik savaşı
Turun ən səs-küylü oyunu Göygöldə baş tutub. Meydan sahibləri “Şəki Siti” üzərində 10:1 hesablı qələbə qazanaraq son illərin ən böyükhesablı nəticələrindən birinə imza atıblar. “Şəki Siti” yalnız təsəlli qolu ilə kifayətlənib.
Səfərdə “Ağdaş”la qarşılaşan “Qaradağ Lökbatan” isə turnirin əsas favoritlərindən biri olduğunu bir daha təsdiqləyib. Komanda 4 cavabsız qolla qalib gələrək turnir cədvəlində şərikli liderliyə yüksəlib.
Günün digər qarşılaşmasında “Dinamo” səfərdə “Araz Saatlı” üzərində minimalhesablı qələbə qazanıb və ardıcıl xallarını davam etdirib.
Turun əvvəlki matçları
XVII turun əvvəlki günlərində “Şirvan” “Quba”ya qarşı 1:0 hesablı qələbə əldə etmiş, “Kür-Araz” isə “Ağstafa Gəncləri” ilə məhsuldar heç-heçə (2:2) etmişdi. “Şəmkir” – “Xankəndi” oyunu isə keçirilməmişdi.
II Liqa – XVII tur, 10 mart
“Araz Saatlı” – “Dinamo” – 1:2
Qollar:
- R. Əvəzov, 64
- Z. Məmmədli, 6; Ə. Ağayev, 76-pen
“Göygöl” – “Şəki Siti” – 10:1
Qollar:
- C. Abbasov, 9
- Ü. Cəlilov, 31
- Z. Məmmədov, 56; 72
- S. Kərimov, 62; 64; 65
- K. Həsənpur, 80
- T. Zeynalov, 39 (Şəki Siti)
- A. Quliyev, 84; 89 (Şəki Siti)
“Ağdaş” – “Qaradağ Lökbatan” – 0:4
Qollar:
- V. Hüseynov, 19
- T. Nəsibov, 32; 34; 57
