Qəbələ atıcılıq klubunda III MDB Oyunları öncəsi stend atıcılığı üzrə hazırlıq turniri keçirilib. Yarış, Azərbaycan Respublikasının Gənclər və İdman Nazirliyinin, Azərbaycan Atıcılıq Federasiyasının və III MDB Oyunlarının təşkilat komitəsinin birgə təşəbbüsü ilə reallaşıb.
Test xarakterli turnirdə milli yığmanın 24 seçilmiş atıcısı dairəvi stend, səngər stendi və solo hərəkəti növləri üzrə mübarizə aparıb. Atıcılar həm texniki hazırlıq, həm də yarış şəraitinə uyğunlaşma baxımından bilik və bacarıqlarını göstəriblər.
Sonda ən yüksək nəticələrə sahib idmançılar diplom və mükafatlarla təltif olunublar. Turnirin əsas məqsədi həm idmançıların medal uğrunda optimal formaya çatmasını təmin etmək, həm də təşkilati-texniki məsələlərin başlıca detallarda sınağını aparmaq idi.
Qeyd edək ki, stend atıcılığı üzrə yarışlar 28 sentyabr – 8 oktyabr tarixlərində Qəbələ atıcılıq klubunda keçiriləcək və bu, III MDB Oyunlarının ən maraqlı mərhələlərindən biri olacaq.
