Azərbaycanda təşkil olunacaq III MDB Oyunlarında futbol yarışının püşkü atılıb. Sport-az.com-un məlumatına görə, püşkatmanın nəticələrinə əsasən, 16 yaşadək futbolçulardan ibarət Azərbaycan yığması A qrupunda Tacikistan və Qırğızıstan komandaları ilə qarşılaşacaq.
Turnirin qrupları:
A qrupu: Azərbaycan, Tacikistan, Qırğızıstan
B qrupu: Belarus, Rusiya, Özbəkistan
Yarışlar Qəbələ şəhər stadionunda keçiriləcək. Ümumilikdə 6 komanda iki qrupda mübarizə aparacaq.
- Qrup qalibləri finalda qarşılaşaraq çempionu müəyyənləşdirəcəklər.
- Qruplarda ikinci yeri tutan komandalar 3-cü yer uğrunda,
- Üçüncü pillədə qərarlaşan kollektivlər isə 5-ci yer uğrunda üz-üzə gələcəklər.
Oyunların təqvimi:
A qrupu
- 27 sentyabr, 12:00 – Tacikistan – Azərbaycan
- 29 sentyabr, 14:00 – Qırğızıstan – Tacikistan
- 1 oktyabr, 14:00 – Azərbaycan – Qırğızıstan
B qrupu
- 27 sentyabr, 14:00 – Belarus – Rusiya
- 29 sentyabr, 12:00 – Belarus – Özbəkistan
- 1 oktyabr, 12:00 – Rusiya – Özbəkistan
Final mərhələsi
- 3 oktyabr, 12:00 – 5-ci yer uğrunda oyun
- 3 oktyabr, 14:00 – 3-cü yer uğrunda oyun
- 4 oktyabr, 14:00 – Final
