Beynəlxalq Cüdo Federasiyası (IJF) Tacikistanın paytaxtı Düşənbədə start götürəcək yeniyetmələr arasında dünya çempionatı ilə bağlı motivasiya xarakterli bir material yayımlayıb.
Sport-az.com xəbər verir ki, IJF çempionatı izləməyə dəyər səbəblər arasında dünya cüdosunun hazırkı ulduzlarını, o cümlədən Azərbaycan idmançılarını vurğulayıb. IJF fanatlara xitab edərək, müxtəlif illərdə yeniyetmələr arasında dünya çempionatında uğur qazanmış və indi Paris-2024 Olimpiadasının ulduzlarına çevrilmiş idmançıları tanıdığını soruşur.
“Əlbəttə ki, Teddi Rineri (Fransa), Eldos Smetovu (Qazaxıstan), Hifumi Abe (Yaponiya), Hidayət Heydərovu (Azərbaycan), Laşa Bekaurini (Gürcüstan) və digərlərini tanıyırsınız. Onların hamısı müxtəlif illərdə gənclər arasında dünya çempionatında uğur qazanıblar. Bu, çempionatı izləmək üçün kifayət deyilmi?” – deyə IJF fanatları yarışlara baxmağa dəvət edir.
Qeyd edək ki, yeniyetmələr arasında dünya çempionatında Azərbaycanın 13 cüdoçusu mübarizə aparacaq.
