İtaliyanın “İnter” futbol klubu baş məşqçisi Simone İnzaqi ilə əməkdaşlığa son qoyduğunu rəsmən açıqlayıb. Klubun mətbuat xidmətinin yaydığı məlumata görə, 49 yaşlı mütəxəssislə müqavilə tərəflərin qarşılıqlı razılığı əsasında ləğv edilib.
Qərar rəhbərlik və məşqçi arasında aparılan bir neçə görüşdən sonra qəbul olunub. Tərəflər klubun gələcəyi ilə bağlı mövqelərini nəzərdən keçirib və əməkdaşlığın başa çatmasının daha məqsədəuyğun olduğuna qərar veriblər.
