İngiltərə Premyer Liqasının (İPL) 32-ci turu 12-14 aprel tarixlərində baş tutan maraqlı qarşılaşmalarla yadda qaldı. Cəmi 6 tur qalsa da, turnir cədvəlindəki vəziyyət, xüsusilə Çempionlar Liqasına düşmək uğrunda mübarizə, olduqca gərgindir.
“Liverpul” komandası bu turda “Vest Hem” üzərində 3:2 hesablı qələbə qazanaraq 76 xalla zirvədəki mövqeyini möhkəmləndirdi. İndi onlara çempionluğu təmin etmək üçün cəmi iki qələbə lazımdır. “Arsenal” isə “Brentford” ilə 1:1 bərabərə qalıb və 63 xalla ikinci sırada qərarlaşıb. Aradakı fərq 13 xaldır.
Çempionlar Liqasına vəsiqə qazandıran ilk beşlik uğrunda isə əsl savaş gedir. Dörd komanda 3 xal (bir qələbə) fərqində sıx yerləşib. “Nottingem Forest” 57, “Nyukasl” 56, “Mançester Siti” isə 55 xalla üçüncü, dördüncü və beşinci pillələri paylaşır. “Çelsi” və “Aston Villa” isə hərəyə 54 xalla bu siyahını tamamlayır.
Ən zəif göstərici isə “Sauthempton” komandasına aiddir – cəmi 10 xalla İPL ilə vidalaşdıqları artıq rəsmi şəkildə məlumdur. “İpsviç” (21 xal) və “Lester” (18 xal) komandalarının da Premyer Liqada qalmaq ehtimalı minimaldır.
32-ci turun nəticələri:
- 12 aprel
- 15:30 | Mançester Siti – Kristal Pelas: 5–2
- 18:00 | Brayton – Lester: 2–2
- 18:00 | Nottingem Forest – Everton: 0–1
- 18:00 | Sauthempton – Aston Villa: 0–3
- 20:30 | Arsenal – Brentford: 1–1
- 13 aprel
- 17:00 | Vulverhempton – Tottenhem: 4–2
- 17:00 | Liverpul – Vest Hem: 2–1
- 17:00 | Çelsi – İpsviç: 2–2
- 19:30 | Nyukasl – Mançester Yunayted: 4–1
- 14 aprel
- 23:00 | Bornmut – Fulhem: 1–0
İPL-də ilk 7 yer (32 turdan sonra):
- Liverpul – 76 xal
- Arsenal – 63 xal
- Nottingem Forest – 57 xal
- Nyukasl – 56 xal
- Mançester Siti – 55 xal
- Çelsi – 54 xal
- Aston Villa – 54 xal
