Hazırda “Olimpik Marsel” klubunda çıxış edən ingilis hücumçu Meyson Qrinvud İspaniya La Liqasına transfer oluna bilər.
Sport-az.com-ın verdiyi məlumata görə, bu barədə “Tribal Football” saytı xəbər yayıb.
Mənbənin məlumatına görə, “Barselona” Qrinvudun transferi ilə maraqlanır və Kataloniya klubu 60 milyon avro ödəməyə hazırdır.
Qrinvud bu mövsüm Fransa çempionatında 6 oyunda iştirak edib və 5 qol vurub. O, yay transfer pəncərəsində “Mançester Yunayted”dən “Olimpik Marsel”ə keçib. Onun transfer qiyməti 26 milyon avro təşkil edib və fransız klubu ilə müqaviləsi 2029-cu ilin iyun ayının sonuna qədər nəzərdə tutulub.
