Bu gecə, 20-dən 21 fevral tarixlərinə keçən gecə, Milli Xokkey Liqası (NHL) tərəfindən təşkil edilən Dörd Millət Turnirinin final oyunu başa çatdı.
Daylinews-Az-ın məlumatına görə, Boston şəhərində yerləşən “TD Garden” arenada keçirilən həlledici oyunda Kanada və ABŞ milli komandaları üz-üzə gəlib. Görüş gərgin keçib və overtimeda Kanadanın 2:3 hesablı qələbəsi ilə yekunlaşıb.
Qonaq komandanın heyətində qol vuranlar:
- Natan Makkinon
- Səm Bennett
- Qələbə qolunu overtimeda Konor Makdevid vurub.
Ev sahibi ABŞ millisində isə:
- Bredi Tkaçuk və
- Müdafiəçi Ceyk Sanderson fərqləniblər.
Bundan əlavə, Oston Metyuz iki məhsuldar ötürmə ilə komandasına dəstək olub.
Bu qələbə ilə Kanada tarixin ilk Dörd Millət Turnirinin çempionu adına layiq görüldü.
Xatırladaq ki, Dörd Millət Turniri — milli komandaların ən güclü heyətlərlə iştirak etdiyi ilk beynəlxalq yarışdır. Turnirdə Kanada, İsveç, Finlandiya və ABŞ milli komandaları mübarizə aparıb. Sonuncu dəfə bu səviyyədə turnir 2016-cı ildə keçirilmiş Dünya Kubokunda baş tutmuşdu.
