Fransa millisinin ulduzu Kilian Mbappé “Real Madrid” forması ilə yeni rekorda imza atıb. La Liqanın VI turunda “Levante”yə qarşı keçirilən oyunda dubla imza atan 26 yaşlı hücumçu klub əfsanələri Zinəddin Zidan və İskonu geridə qoyub.
Mbappé La Liqada “Real”ın heyətində cəmi 40 matça çıxıb və artıq 38 qol vurub. Bu göstərici onun effektivliyini və Madrid klubuna uyğunlaşma sürətini təsdiqləyir.
Müqayisə üçün, Zinəddin Zidan “Real Madrid”də oynadığı illərdə ümumilikdə 49 qol vurmuşdu. Mbappé isə hələ iki mövsüm tamamlamadan fransız əfsanəsinin La Liqadakı göstəricisini üstələyib.
2024-cü ilin yayında PSJ-dən “Real Madrid”ə transfer olunan Mbappé beş illik müqavilə imzalayıb. Razılaşmaya əsasən, o, 2029-cu ilin yayına qədər “Santyago Bernabeu”da çıxış edəcək. Qısa müddət ərzində göstərdiyi performans isə həm klub rəhbərliyini, həm də azarkeşləri heyran qoyub.
Mütəxəssislər hesab edirlər ki, Mbappé bu sürətlə davam edərsə, yaxın illərdə “Real Madrid” tarixinin ən məhsuldar hücumçularından birinə çevriləcək və Raul, Kriştianu Ronaldu, Kərim Benzema kimi adların yanına yazılacaq.
