Yürgen Klopp, Almaniya millisinin baş məşqçisi vəzifəsində Yulian Nagelsmannı əvəz edə biləcək əsas namizədlərdən biri hesab edilir.
Sport-az.com-ın ə istinadən verdiyi məlumata görə, Almaniya millisinin idman direktoru Rudi Föller bu barədə açıqlama verib. O, əgər Nagelsmann bir gün Avropa klublarından birinə keçmək qərarı versə, Kloppun baş məşqçi postu üçün əsas namizəd olduğunu vurğulayıb: “Nagelsmann klublardan birinə keçərsə, Klopp bizim əsas seçimimiz olacaq. O, uzun müddətdir Almaniyadan kənarda çalışır və heyrətamiz karyeraya sahibdir.”
Qeyd edək ki, Yürgen Klopp məşqçilik karyerası boyunca “Maynts 05”, “Borussiya Dortmund” və “Liverpul” kimi klublara rəhbərlik edib.
