Avstraliyanın Melburn şəhərində keçirilən Formula-1 Avstraliya Qran-Prisinin ikinci sərbəst yürüş sessiyası başa çatıb. “Ferrari”nin monakolu pilotu Şarl Lekler bu mərhələdə ən sürətli nəticəni göstərərək birinci yeri tutub. “McLaren” komandasının avstraliyalı pilotu Oskar Piastri cəmi 0.124 saniyə gecikmə ilə ikinci sırada qərarlaşdı. Komanda yoldaşı Lando Norris isə üçüncü oldu.
“Ferrari”nin yeni transferi Lyuis Hemilton sessiyanı beşinci pillədə tamamladı. Mövcud çempion, “Red Bull”un pilotu Maks Ferstappen isə yalnız yeddinci yeri tuta bildi.
İkinci sərbəst yürüşün nəticələri
- Şarl Lekler (“Ferrari”) – 1:16.439
- Oskar Piastri (“McLaren”) +0.124
- Lando Norris (“McLaren”) +0.141
- Yuki Tsunoda (“Racing Bulls”) +0.345
- Lyuis Hemilton (“Ferrari”) +0.420
- İsak Hacar (“Racing Bulls”) +0.580
- Maks Ferstappen (“Red Bull”) +0.624
- Niko Hülkenberq (“Kick-Sauber”) +0.722
- Ləns Stroll (“Aston Martin”) +0.840
- Corc Rassell (“Mercedes”) +0.843
Digər pilotların nəticələri də rəqabətin yüksək olduğunu göstərdi. Williams və Aston Martin komandalarının pilotları orta sıralarda qərarlaşdı, “Haas”ın pilotu Oliver Berman isə sessiyada iştirak etmədi.
