2024-cü ildə Lionel Messi və Cristiano Ronaldo-nun oynadığı oyunların statistikası açıqlanıb.
Sport-Az-ın məlumatına görə, ulduz portuqaliyalı futbolçu Cristiano Ronaldo 2024-cü ildə 51 oyun keçirib, 43 qol vurub və 7 məhsuldar ötürmə edib.
Dünya çempionu Lionel Messi isə 36 matçda iştirak edib, 29 qol vurub və 18 məhsuldar ötürmə edib.
Qeyd edək ki, Ronaldo Səudiyyə Ərəbistanının “Al-Nassr” klubunda oynayır, komanda Səudiyyə Pro Liqasında çıxış edir. Messi isə ABŞ və Kanadanın MLS liqasının ən yüksək divizionunda çıxış edən “Inter Miami” klubunun oyunçusudur.
