İngiltərənin “Liverpul” klubunun və Fransa milli komandasının keçmiş hücumçusu Cibril Sisse Bakıya səfər etməyi planlaşdırır.
Məlumatlara görə, futbol karyerasını başa vurmuş 43 yaşlı Sisse hazırda mini-futbolla məşğuldur və Fransa milli komandasının heyətində çıxış edir. O, 21 may – 1 iyun tarixlərində Bakıda keçiriləcək Mini-Futbol üzrə Dünya Çempionatında iştirak edəcək.
Cibril Sisse haqqında məlumat:
Cibril Sisse Fransa futbolunun ən parlaq hücumçularından biri kimi tanınır. O, karyerası ərzində “Liverpul”, “Marsel”, “Latsio” kimi tanınmış klublarda çıxış edib. 2005-ci ildə “Liverpul”la UEFA Çempionlar Liqasını qazanan Sisse Fransa millisində də uğurlu oyunları ilə yadda qalıb. Karyerası ərzində müxtəlif zədələrə baxmayaraq, o, yüksək səviyyəli oyun nümayiş etdirməyə davam edib. İndi isə mini-futbol sahəsində yeni uğurlar üçün mübarizə aparır.
