“Mançester Siti” UEFA Çempionlar Liqasında yeni bir rekord qazanıb.
Sport-az.com-ın verdiyi məlumata görə, komanda Liqa mərhələsinin 3-cü turunda Çexiyanın “Sparta” klubuna 5:0 hesabı ilə qalib gələrək Çempionlar Liqasında məğlubiyyətsiz oyun seriyasını 26-ya çatdırıb. Komanda sonuncu dəfə 2021/22 mövsümündə yarımfinalın cavab matçında “Real Madrid”ə 1:3 hesabı ilə məğlub olmuşdu.
Ötən mövsüm 1/4 finalda “Mançester Siti” “Real” səddini penaltilər seriyasında keçə bilməsə də, oyunda məğlub olmamışdı.
Bundan əvvəl ən uzun məğlubiyyətsizlik seriyası “Mançester Yunayted”ə aid idi. Aleks Ferqyusonun rəhbərliyi altında “qırmızı şeytanlar” ardıcıl 25 oyun məğlub olmamışdılar.
Qeyd edək ki, “Mançester Siti” Liqa mərhələsində 3 turdan sonra 7 xalla 5-ci yerdə qərarlaşıb.
