İngiltərə Kubokunun 1/8 final mərhələsində “Mançester Yunayted” öz meydanında “Fulhem“ klubunu qəbul edib.
Sport-Az-ın məlumatına görə, “Old Trafford” stadionunda keçirilən qarşılaşmanın əsas vaxtı 1:1 hesabı ilə başa çatıb. Penaltilər seriyasında daha dəqiq oynayan “Fulhem” 4:3 hesabı ilə qalib gələrək növbəti mərhələyə yüksəlib.
Oyunun əsas anları:
- 45+1 dəq. – “Fulhem”in nigeriyalı müdafiəçisi Kelvin Bassi hesabı açıb.
- 71 dəq. – “Mançester Yunayted”ə Brunu Fernandeş bərabərlik qolunu gətirib.
Qeyd edək ki, İngiltərə Kubokunun ən titullu klubu 14 dəfə çempion olan “Arsenal” komandasıdır.
