15-dən 16 noyabra keçən gecə maraqlı bir qarşılaşma baş tutacaq: boks dünyasının əfsanəsi Mayk Tayson və məşhur bloger Ceyk Pol rinqə çıxacaq. Hər kəsin səbirsizliklə gözlədiyi bu döyüş öncəsi çəkiölçmə mərasimi keçirildi və burada gözlənilməz bir insident baş verdi.
Mərasim zamanı Tayson, Pola qarşı gözlənilməz bir şəkildə üzünə zərbə endirdi. Azarkeşlər və jurnalistlər Taysonun bu hərəkətinə təəccübləndilər və hadisənin səbəbini anlamadılar. Məlum olub ki, “baxış mübarizəsi” anında Pol təsadüfən (və ya qəsdən) Taysonun ayağına basıb. Bu hərəkət Taysonu əsəbiləşdirib və nəticədə Pola cavab olaraq üzünə zərbə endirib.
İnsidentdən sonra Ceyk Pol bildirib ki, rəqibini sərt şəkildə nokauta göndərmək niyyətindədir. Tayson isə qısa cavab verərək artıq sözlərə ehtiyac duymadığını və rinqdə cavabını verəcəyini qeyd edib. Bu gərginlik, hər iki boksçunun öz aralarındakı mübarizəni daha da maraqlı edib və döyüşə olan marağı artırıb.
Mayk Tayson, karyerası boyunca qazandığı sayısız nokautla tanınan bir əfsanədir və onun gücü hələ də qorxunc hesab edilir. Ceyk Pol isə sosial mediada populyar bir sima olsa da, rinqdə ciddi rəqiblərlə döyüş təcrübəsi azdır. Bu qarşılaşma, hər iki idmançının iddia etdiyi qədər güclü olub-olmadığını göstərmək üçün əla bir fürsətdir.
