Fransalı müdafiəçi Teo Ernandes, növbəti yay transfer pəncərəsində “Milan” klubunu tərk edə bilər. Fichajes xəbər verir ki, İtaliya klubunun rəhbərliyi futbolçunun çıxışlarından tam məmnun deyil. Ernandesin “Milan” ilə müqaviləsi 2026-cı ilin yayına qədər qüvvədədir. Lakin klub, onun satışından maliyyə cəhətdən faydalanmaq üçün yaxın transfer pəncərəsindən istifadə edə bilər.
Cari mövsümdə Teo Ernandes klub səviyyəsində 34 oyunda iştirak edib, 4 qol vurub və 5 məhsuldar ötürmə ilə yadda qalıb. Buna baxmayaraq, onun çıxışı rəhbərliyin gözləntilərini tam ödəməyib.
Klub üçün növbəti transfer pəncərəsi, Ernandesi yaxşı qiymətə satmaq üçün son fürsət ola bilər. Futbolçunun mümkün transferi Avropa nəhənglərinin maraq dairəsindədir və onun taleyi yaxın aylarda müəyyənləşəcək.
