Fabio Kapello, “Milan” klubunu tənqid edib. “Rossonyerlər”in keçmiş baş məşqçisi komandanın “Liverpul” qarşısında zəif oyun sərgilədiyini vurğulayıb.
“Qafqazinfo”nun məlumatına görə, təcrübəli mütəxəssis, ev oyununda 1:3 hesablı məğlubiyyətin səbəblərinə toxunaraq, fikirlərini belə ifadə edib: “Bu cür oyunu izləmək çox ağır idi. “Milan”ın belə bir durumda olmasını görmək istəməzdim, bu çox məyusedicidir. Oyun zamanı, əsasən son dəqiqələrdən başqa, komanda meydanın mərkəzini keçə bilmirdi.”
Qeyd edək ki, Çempionlar Liqasının ilk turunda məğlub olan “Milan”la Kapello vaxtilə çoxsaylı uğurlar əldə edib. O, dünənki oyuna isə fəxri qonaq kimi dəvət olunmuşdu.
