Azərbaycan Misli Premyer Liqasının XXIX turu çərçivəsində keçirilən son oyunda “Araz-Naxçıvan” doğma meydanda “Sumqayıt”la qarşılaşıb.
Matç Naxçıvan təmsilçisinin üstünlüyü ilə keçib və 2:0 hesablı qələbə ilə başa çatıb. Oyunun 20-ci dəqiqəsində Ramon Maçado penalti zərbəsini dəqiq yerinə yetirərək hesabı açıb. İkinci hissədə, 65-ci dəqiqədə isə İqor Ribeiro fərqlənərək yekun nəticəni müəyyənləşdirib.
Bu qələbə sayəsində “Araz-Naxçıvan” xallarını 51-ə çatdıraraq turnir cədvəlində 3-cü pillədə mövqeyini möhkəmləndirib. “Sumqayıt” isə 29 xalla 7-ci yerdə qərarlaşıb.
