ABŞ-da keçirilən MLS-in növbəti turunda “İnter Mayami” səfərdə “Nyu-York Siti” üzərində inamlı qələbə qazandı – 0:4. Oyunun qəhrəmanı isə argentinalı superulduz Lionel Messi oldu.
“Sitifild” stadionunda baş tutan matçda Messi iki qol və bir məhsuldar ötürmə ilə yadda qaldı. Onun MLS-də cari mövsümdəki statistikasına artıq 24 qol və 14 assist daxildir.
Suárezin qayıdışı
Komandanın digər ulduzu Luis Suárez də oyuna damğasını vurdu. Uruqvaylı hücumçu penalti zərbəsini dəqiq yerinə yetirərək komandasının dördüncü qoluna imza atdı. Bu, onun 1 sentyabrdan sonra ilk matçı idi – Suárez “Sietl Saunders” işçisinə tüpürdüyünə görə Liqa Kubokunun finalında diskvalifikasiya almışdı.
Gənc futbolçu Baltazar Rodriqes də “çapqınlar”ın qələbəsinə öz töhfəsini verdi – o, 43-cü dəqiqədə hesabı açdı.
Xavyer Maskeranonun rəhbərlik etdiyi “İnter Mayami” hazırda Şərq Konfransında 55 xalla üçüncü pillədə qərarlaşıb. Lider “Filadelfiya”nın 60 xalı var, amma mayamililərdən iki oyun artıq keçiriblər.
MLS, 25 sentyabr
Nyu-York Siti – İnter Mayami 0:4
Qollar: Rodriqes (43), Messi (74, 86), Suárez (83, pen.)
