Bu gün Misli Premyer Liqasının VII turunun oyunlarına start veriləcək.
Fanat.Az xəbər verir ki, üç gün davam edəcək turun ilk oyun günündə iki qarşılaşma baş tutacaq.
İlk olaraq “Kəpəz” öz meydanında “Şamaxı” ilə qarşılaşacaq. Azər Bağırovun rəhbərlik etdiyi “Kəpəz” bu oyunda nəhayət, xal həsrətinə son qoymağı hədəfləyir. Eyni zamanda, Ayxan Abbasov “Turan Tovuz”dan ayrıldıqdan sonra ilk dəfə qərb azarkeşləri qarşısında çıxış edəcək.
Günün və turun ən diqqət çəkən qarşılaşması isə “Qarabağ”la “Neftçi” arasında baş tutacaq. Bu əzəli rəqiblərin duelinə ağdamlılar ev sahibliyi edəcək. Əgər “Neftçi” bu oyunda xal qazana bilməsə, Roman Qriqorçukun baş məşqçi postu təhlükə altında qala bilər.
Misli Premyer Liqası
VII tur
20 sentyabr
17:00. “Kəpəz” – “Şamaxı”
Hakimlər: Cavid Cəlilov, Müslüm Əliyev, Kamran Bayramov, Nicat İsmayıllı
VAR: Rauf Cabarov
AVAR: Vüsal Məmmədov
Tovuz şəhər stadionu
20:00. “Qarabağ” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
VAR: İnqilab Məmmədov
AVAR: Namik Hüseynov
“Azərsun Arena”
