10-dan 11 fevral gecəsinə keçən NBA-nın növbəti matçında “Los-Anceles Lakers” öz meydanında “Yuta Caz”ı qəbul edərək 132:113 hesablı qələbə qazandı. “Crypto Arena”da baş tutan görüşdə ev sahibi komanda böyük fərqlə qalib gəldi. Matçın ən məhsuldar oyunçusu “Lakers”in ulduz forvardı Lebron Ceyms oldu – o, 24 xal, 7 ribaund və 8 məhsuldar ötürmə ilə yadda qaldı.
Komanda yoldaşı Ostin Rivz 22 xal, 9 ribaund və 4 asistlə yaxşı çıxış etdi, debüt edən Luka Donçiç isə 14 xal, 5 ribaund və 4 ötürmə ilə komandaya töhfə verdi.
“Yuta Caz”ın heyətində ən məhsuldar oyunçu Con Kollinz oldu, o, 17 xal və 11 ribaundla “double-double” etdi.
Bu qələbə sayəsində “Lakers” NBA-da ardıcıl altıncı matçını qazandı və uğurlu seriyasını davam etdirdi.
