Milli Basketbol Assosiasiyasında (NBA) keçirilən Yay Liqası başa çatıb və turnirin qalibi müəyyənləşib.
Sport-az.com-un məlumatına görə, final qarşılaşmasında “Şarlott” komandası “Sakramento”ya 83:78 hesabı ilə qalib gələrək çempionluğu qazanıb. Matçın hissələr üzrə nəticələri belə olub:
34:18, 12:21, 21:17, 16:22.
“Şarlott” bu turnirdə Las-Veqas və Orlando divizionlarında ümumilikdə keçirdiyi 6 oyunun hamısında qalib gələn yeganə komanda olub.
Qeyd edək ki, NBA Yay Liqası çərçivəsində komandalar əsasən gənc və perspektivli basketbolçulara şans verir və onların oyun praktikasını artırmaq məqsədi daşıyır.
