“Neftçi” klubu Kamerun millisinin kapitanı və hücumçusu Vensan Abubakara rəsmi təklif göndərib. Rəsmi razılaşma üçün danışıqlar artıq başladı və klub 33 yaşlı forvarddan cavab gözləyir.
Hazırda klubsuz olan Abubakar üçün “Neftçi”yə keçid həm onun, həm də komanda üçün yeni bir şans ola bilər. 2025-ci ilin bu mövsümündə o, hələ klub səviyyəsində rəsmi oyunda iştirak etməyib.
Ekspertlər hesab edirlər ki, zəngin təcrübəsi və avrokubok oyunlarındakı çıxışları ilə tanınan Vensan Abubakar, razılaşma olduqda “Neftçi”nin hücum xəttində əhəmiyyətli güc olacaq. Bundan əlavə, bu transfer onun Kamerun millisində qarşıdakı matçlara hazırlığında da faydalı ola bilər.
Abubakar əvvəllər “Portu”, “Beşiktaş”, “Loryan” və “Əl-Nəsr” kimi klublarda da oynamış, son olaraq Türkiyənin “Hatayspor” komandasını təmsil edib.
