Azərbaycanın “Neftçi” futbol klubu heyətini yeni legioner ilə gücləndirmək niyyətindədir.
Sport-az xəbər verir ki, Bakı təmsilçisi Özbəkistan millisinin və Qazaxıstanın “Ordabası” klubunun vingeri Jasur Yakşiboyevlə maraqlanır. Qazaxıstan klubu futbolçunu öz sıralarında saxlamaq istəyir, lakin Yakşiboyevin nümayəndələri artıq “Neftçi” ilə danışıqlara başlayıblar.
Yakşiboyev Özbəkistan yığması üçün keçirdiyi 10 oyunda iki dəfə qol vurmağı bacarıb. Onun “Ordabası” ilə müqaviləsi bu ayın sonunda başa çatır.
