“Neftçi”də dörd, “Zirə”də iki futbolçu itki siyahısında
Bakının “Neftçi” və “Zirə” komandaları Azərbaycan Misli Premyer Liqasının 14-cü turunda qarşılaşacaqlar. Hər iki komanda bu oyuna ciddi kadr itkiləri ilə çıxacaq.
“Neftçi”nin baş məşqçisi Samir Abasov bir neçə əsas oyunçunun xidmətindən məhrum olacaq. Əsas heyət üzvləri Emin Mahmudov, Azər Salahlı və Andre Şinyəşiki zədəlidir. Bundan əlavə, Kilan Lebon isə diskvalifikasiya səbəbilə qarşılaşmada iştirak edə bilməyəcək.
Digər tərəfdən, “Zirə” komandasında da itkilər var. Rüstəm Əhmədzadə və Qismət Əliyev zədələndikləri üçün bu oyunda meydana çıxa bilməyəcəklər.
Bu kadr çatışmazlıqları hər iki komandanın oyununa təsir göstərə bilər və mübarizənin nəticəsinə təsir edəcəyi gözlənilir.
