Braziliyalı futbolçu Neymar hazırda yaşadığı Mangaratybadan (“Rio-de-Janeyro” ştatı) “Santos” klubunun bazasına şəxsi helikopteri ilə gedir.
Sport-Azın Globoya istinadən verdiyi xəbərə görə, Neymar hələ “Santos”da yaşamaq üçün ev almadığına görə bu üsulu seçib. Futbolçunun Morro-de-Santa-Terezinya adlı elit rayonda yeni bir malikanə almaq istədiyi bildirilir.
Neymarın “Santos”a qayıdışı
Braziliyalı hücumçu “Al-Hilal”dan ayrılaraq doğma klubuna geri döndü.
- 2009-2013-cü illər arasında “Santos”un əsas komandasında çıxış edib.
- Bu dövrdə 225 oyunda 136 qol vurub və 64 məhsuldar ötürmə edib.
- Transfermarkt portalına görə, hazırda Neymarın bazar dəyəri 15 milyon avro təşkil edir.
