Almaniya millisinin əfsanəvi qapıçısı Manuel Noyer və həndbolçu Anika Bissel ötən şənbə günü toy mərasimlərini Cənubi Tirolda yerləşən XIII əsrə aid Freudenstein qalasında qeyd etdilər. Bu barədə Bolzano Quotidiano məlumat yayıb.
Tədbirdə təxminən 150 qonaq iştirak edib, onların arasında Almaniya millisinin keçmiş yarımmüdafiəçisi Mixael Ballak da olub. Noyer (39 yaş) və Bisselin (25 yaş) nikahı rəsmi olaraq 2023-cü ilin noyabrında qeydə alınsa da, məhz bu mərasim ailə və dostlarla birlikdə sevincini bölüşmək üçün simvolik bayram kimi keçirilib.
Qeyd edək ki, 2024-cü ilin yazında cütlüyün oğlu dünyaya gəlib.
