“Maklaren” komandasının gənc pilotu Oskar Piastri “Formula-1” yarışlarındakı qaydaların yenidən gözdən keçirilməsinin vacib olduğunu bildirib. 24 yaşlı avstraliyalı sürücü “Racing News 365” nəşrinə verdiyi müsahibədə qərarların ardıcıllığında yaranan pozuntulara və qaydalardan sui-istifadənin mövcudluğuna diqqət çəkib.
Piastri vurğulayıb ki, bəzi sürücülər mövcud qaydaları öz maraqlarına uyğun istifadə edirlər ki, bu da yarışlarda görülməsini istəmədikləri vəziyyətlərin yaranmasına səbəb olur. O, xüsusilə Las-Veqas yarışının başlanğıcında yaşanan toqquşmaya diqqət yetirib. Liam Lavsonun Piastri ilə toqquşmasına baxmayaraq, heç bir cəza tətbiq olunmadığını qeyd edib və bunun səbəbini anlaya bilmədiyini söyləyib.
Sürücü əlavə edib:
“Qaydaların daha ədalətli və aydın olması vacibdir, çünki hazırkı durum həm sürücülər, həm də izləyicilər üçündür narahatlıq doğurur.”
“Formula-1” mövsümünün qalan hissəsində bu məsələnin diqqət mərkəzində qalması gözlənilir, sürücülərin və komandaların fikirləri müvafiq qurumlar tərəfindən dəyərləndiriləcək.
