Türkiyənin tanınmış klubu “Qalatasaray” uzun illərdir qapısını qoruyan Fernando Muslera ilə vidalaşmağa hazırlaşır. Klubun əfsanəvi qapıçısı 38 yaşlı uruqvaylı futbolçu, bu mövsümün son turunda – “Başakşəhirlə” oyunda komanda ilə sonuncu dəfə meydana çıxacaq.
Sport-az.com-un məlumatına görə, bu gün təşkil olunan mətbuat konfransında Muslera öz ayrılığını rəsmən açıqlayıb. O bildirib: “Sabahkı oyun mənim üçün Qalatasaray forması ilə sonuncu olacaq.“
14 illik xidmət və rekord göstəricilər
Fernando Muslera “Qalatasaray”a 2011-ci ildə İtaliyanın “Latsio” klubundan keçmişdi. O vaxtdan bəri:
- 550 rəsmî oyunda forma geyinib
- 8 dəfə Türkiyə çempionu olub
- 6 dəfə Superkubok
- 5 dəfə Türkiyə kuboku qazanıb
- Ümumilikdə 19 titul
- Qalatasaray tarixində ən çox titul qazanmış futbolçu olub
Klub üçün simvola çevrilmişdi
Muslera təkcə peşəkarlığı ilə deyil, həm də liderlik keyfiyyətləri ilə komanda üçün ilham mənbəyinə çevrilmişdi. O, klubun ən kritik anlarında qapıda etibar olunan ad olaraq yadda qalıb.
