“Qarabağ-2″nin hücumçusu Nihad Mollayev qeyri-idman davranışına görə 4 oyunluq diskvalifikasiya edilib. AFFA-nın İntizam Komitəsi bu qərarı qəbul edərək futbolçunun cəzalandırılmasına səbəb kimi 25-ci turda “Sumqayıt-2” ilə oyunda hakimi təhqir etməsini göstərib. Mollayevin qırmızı vərəqə alması onun cəzalandırılmasını qaçılmaz edib. Bununla yanaşı, “Qarabağ-2” klubu 300 manat məbləğində cərimələnib.
İntizam Komitəsi eyni zamanda “Sumqayıt-2” klubunu da matç günü reqlament pozuntusuna görə 100 manat cərimələyib. Amma qayda pozuntusunun detalları açıqlanmayıb.
