Beynəlxalq bettinq brendi 1xBet bu mövsüm Avropanın əsas klub turnirində Azərbaycan komandasının uğurlarını təhlil edir.
Layiqli çıxış: «Köhlən Atlar»
8 qarşılaşmada «Köhlən Atlar» üç qələbə qazandılar – Benfika, Kopenhagen və Ayntraxt üzərində. Bundan əlavə, Qarabağ Çelsi ilə keçirilən vacib oyunda 2:2 hesablı heç-heçə ilə nəticəni qorudu. Qurban Qurbanovun komandasının oyunu da müsbət təəssürat yaratdı: demək olar ki, bütün matçlarda autsayder hesab olunmasına baxmayaraq, Azərbaycan çempionları müdafiəyə qapanmadı, əksinə, təşkilatlanmış əks-hücum futbolu nümayiş etdirdi.
Atletik, Napoli, Ayaks və Liverpul ilə qarşılaşmalar Qarabağ üçün məğlubiyyətlə başa çatsa da, bu, komandamızın turnirin növbəti mərhələsinə yüksəlməsinə mane olmadı. Aktivində 10 xal olan «Köhlən Atlar» cədvəldə 22-ci pilləni tutdu və indi pley-off mərhələsində mübarizə aparacaq.
Qarabağın ən yaxşı oyunu
Bu mövsüm Çempionlar Liqasındakı ən güclü oyununu ağdamlılar ilk turda Benfika ilə keçirdi. Qarabağ inanılmaz bir geri dönüş etdi və Lissabon azarkeşlərinin gözü qarşısında rəqibini məğlub etməyi bacardı.
Artıq görüşün 16-cı dəqiqəsində «Qartallar» Entso Barreneçea və Vangelis Pavlidisin səyləri ilə hesabda 2:0 irəlidə idilər, lakin «Köhlən Atlar» ruhdan düşmədilər və mübarizəni davam etdirdilər. Hələ fasiləyə qədər Leandro Andrade bir qolu geri qaytardı, ikinci hissənin əvvəlində isə Kamilo Duran iti bucaq altından möhtəşəm zərbə ilə hesabı bərabərləşdirdi.
Həlledici an əsas vaxtın bitməsinə dörd dəqiqə qalmış gəldi. Aleksey Kaşuk Benfikanın cərimə meydançasında məharətlə döndü, topu bədənilə qoruyaraq uzaq küncə dəqiq zərbə vurdu. Nəticə – parlaq hücum oyunu ilə müşayiət olunan gözəl və əzmkar Qarabağ qələbəsi.
Liverpul ilə uğursuz qarşılaşma
Əsas mərhələnin son turunda ağdamlılar Dumanlı Albionda Arne Slotun komandası ilə qarşılaşmağa yollandılar. Bu mövsüm «Qırmızılar» azarkeşlərini hər zaman sevindirməsələr də, həmin axşam İngiltərə çempionları həqiqətən güclü təsir bağışladılar.
Liverpul oyunun ilk dəqiqələrindən hücuma keçdi və «Köhlən Atlar» meydan sahiblərinin təzyiqinə tab gətirə bilmədilər. Qarabağın mərkəz müdafiəçiləri Kevin Medina və Bəhlul Mustafazadə bu oyunu tamamilə uğursuz keçirdilər və çoxlu mövqe səhvlərinə yol verdilər. Üstəlik, ağdamlıların əks-hücum oyunu ümumiyyətlə görünmürdü.
Üçüncü buraxılan qoldan sonra Qarabağ tamamilə dağıldı və 0:6 hesabı ilə məğlub oldu. «Enfild»də yaşanan əsl kabus idi – elə bir gecə ki, onu tezliklə unutmaq istəyirsən.
Qarabağ 1/8 finala yüksələ bilərmi?
Pley-off mərhələsinin püşkatması «Köhlən Atlar»ın rəqibi olaraq daha bir İngiltərə klubu Nyukaslı müəyyən etdi. Hazırkı Premyer Liqa mövsümündə «Sağsağanlar» qeyri-sabit çıxış edir və turnir cədvəlində 10-cu yerdə qərarlaşıb, lakin Çempionlar Liqasında çox təhlükəli rəqib sayılırlar.
Əsas mərhələdə Eddi Hau-nun komandası həm Benfika, həm də PSV-ni eyni 3:0 hesabı ilə darmadağın etdi, əzmkar Bilbao Atletikinə qarşı inamlı qələbə qazandı və səfərdə hazırkı çempion Pari Sen-Jermenlə heç-heçə etməyi bacardı.
Nyukasl – fiziki cəhətdən güclü və sürətli komandadır. Heyətində Bruno Gimarayns, Harvi Barns və Sandro Tonali kimi oyunçular parlayır. Hücumun lideri Entoni Qordon isə xüsusi qeyd olunmalıdır – o, cari Çempionlar Liqasında artıq 6 qolla fərqlənib.
Qarabağ – Nyukasl cütlüyündə ingilis komandası açıq-aşkar favorit sayılır. Lakin Qurban Qurbanovun yetirmələri bundan əvvəl də daha titullu rəqiblərə qarşı qələbə qazanmağı bacarıblar. Əgər «Köhlən Atlar» müdafiədə etibarlı çıxış etsə və rəqib qapısı qarşısında yaranan nadir imkanlardan maksimum istifadə edə bilsə, növbəti mərhələyə çıxmaq üçün şanslar qalacaq. Üstəlik, unutmaq olmaz ki, Nyukasl öz meydanında xüsusilə güclüdür, bu səbəbdən Azərbaycan çempionları üçün Bakıda keçiriləcək ilk oyunda qələbə qazanmaq həyati əhəmiyyət daşıyır.
Qarabağın Çempionlar Liqasındakı oyunlarını izləyin və komandamıza 1xBet Azərbaycan ilə birlikdə azarkeşlik edin!
